香港新浪網 MySinaBlog
« 上一篇 | 下一篇 »
明星理財博客 | 21st Feb 2009, 09:22 | 最新消息 | (76 Reads)

推薦網誌 : 24小時診所 : http://clinic24.mysinablog.com/index.php (醫療資訊平台,包括24小時門診,假日醫生等)  

很 多 好 似 小 記 般 的 年 輕 一 代 , 都 唔 知 觀 音 借 庫 是 甚 麼 回 事 , 不 過 碰 巧 遇 金 融 海 嘯 , 有 得 「 免 息 貸 款 」 , 當 然 要 知 多 。 所 以 趁 住 正 月 廿 六 , 即 新 曆 2 月 20 日 ( 星 期 五 ) 觀 音 開 庫 前 , 找 來 廟 宇 司 祝 和 玄 學 家 講 解 借 庫 過 程 和 宜 忌 。 原 來 借 庫 並 不 重 多 與 少 , 唔 通 借 到 一 億 來 年 人 人 有 一 億 咩 ? 最 重 要 是 寓 意 新 一 年 借 來 好 運 新 開 始 。

紅 磡 觀 音 廟 每 年 吸 引 大 批 善 信 借 庫 , 並 實 施 單 向 人 流 管 制 。

 

過 程 三 步 搞 掂

不 少 老 闆 和 藝 人 每 年 都 趁 觀 音 開 庫 前 來 祈 求 財 源 廣 進 , 據 廟 宇 司 祝 表 示 , 基 本 帶 3 支 香 就 搞 掂 , 誠 心 的 話 可 預 備 元 寶 、 香 燭 、 觀 音 衣 , 記 得 在 上 香 時 , 默 念 自 己 的 姓 名 及 來 意 , 如 : 「 弟 子 / 信 女 XXX , 祈 求 在 己 丑 牛 年 得 到 應 得 之 錢 財 , 懇 請 觀 音 大 士 開 庫 。 」 敲 三 次 鐘 鼓 後 便 可 到 金 銀 庫 取 利 是 , 銀 碼 由 數 百 萬 至 數 億 元 不 等 , 都 係 句 : 「 隨 緣 。 」 倒 是 當 日 逼 滿 人 龍 , 要 預 鬆 少 少 時 間 去 排 隊 。

生 菜 生 財 八 寶 吉 祥

成 功 借 庫 後 , 便 向 廟 祝 取 經 開 光 唸 經 的 花 影 、 生 菜 和 八 寶 包 , 香 油 錢 一 般 $45 左 右 。 花 影 寫 有 財 源 廣 進 字 句 , 回 家 後 擺 放 在 神 位 或 家 中 財 位 , 即 東 南 方 。 至 於 生 菜 代 表 生 財 , 八 寶 包 內 有 花 生 、 蓮 子 、 百 合 、 茶 葉 , 寓 意 長 壽 和 吉 祥 , 回 家 後 可 以 煮 來 吃 , 大 可 煲 定 糖 水 或 靚 湯 , 然 後 將 八 寶 包 材 料 浸 水 放 入 。

八 寶 包 內 有 花 生 、 蓮 子 、 百 合 、 茶 葉 , 寓 意 長 壽 和 吉 祥 。

入 廟 拜 神 唔 好 去 錯

話 明 觀 音 借 庫 當 然 係 去 觀 音 廟 , 除 了 紅 磡 觀 音 廟 、 油 麻 地 觀 樓 社 壇 、 太 平 山 街 觀 音 廟 、 石 硤 尾 觀 音 古 廟 、 大 嶼 山 觀 音 寺 , 供 奉 觀 音 的 廟 宇 還 有 山 東 街 水 月 宮 、 慈 雲 山 水 月 宮 、 大 坑 蓮 花 街 蓮 花 宮 , 千 期 咪 去 錯 。 在 開 庫 當 日 , 不 少 觀 音 廟 都 會 延 長 服 務 時 間 , 好 似 每 年 善 信 最 多 的 紅 磡 觀 音 廟 , 將 會 由 2 月 19 日 11:00pm ( 即 年 廿 六 子 時 ) 通 宵 開 放 至 翌 日 8:00pm , 錯 過 了 就 要 等 下 年 。

師 傅 教 路 借 庫 宜 忌

玄 學 家 龍 震 天 師 傅 表 示 , 求 觀 音 降 福 時 可 將 自 己 的 願 望 說 出 來 , 但 切 勿 心 存 不 勞 而 獲 等 妄 念 如 「 我 想 中 六 合 彩 ! 」 之 類 。 其 實 借 來 的 銀 碼 只 是 象 徵 意 義 , 最 重 要 是 借 來 好 運 氣 , 所 以 無 論 你 抽 到 多 少 , 都 應 存 感 激 之 心 , 切 忌 揭 開 後 話 : 「 有 冇 搞 錯 ? 咁 少 ! 」

此 外 , 觀 音 是 茹 素 的 , 切 勿 帶 酒 肉 去 供 奉 , 亦 要 避 免 穿 一 些 坦 胸 露 臂 五 顏 六 色 的 衣 物 , 畢 竟 入 廟 參 拜 唔 係 去 做 騷 , 樸 素 整 潔 便 可 。 善 信 可 根 據 當 日 行 程 選 定 吉 時 去 借 庫 , 今 年 新 曆 2 月 20 日 為 丙 申 日 , 吉 時 為 凌 晨 11:00pm~3:00am 、 早 上 9:00am~11:00am 、 傍 晚 5:00pm~11:00pm , 開 工 前 或 收 工 後 順 道 去 借 庫 就 剛 剛 好 。 但 記 得 今 年 借 庫 後 , 年 尾 要 去 還 庫 , 有 借 有 還 才 顯 誠 意 。

撰 文 : 鍾 鎮 科 攝 影 : 郭 凱 敏